MONATO
Por skribi al ni
Serĉi en MONATO

Turismo

ITALIO

Maŭzoleo al reĝo Gentio

En la itala urbo Gubbio (regiono Umbrio) troviĝas modesta maŭzoleo omaĝe al la lasta ilira reĝo Gentio (latine Gentius), reganta de 181 ĝis 167 a.K. Ĝi estas vizitata de multaj albanoj, loĝantaj en Italio aŭ eksterlande, ĉar ili konsideras la antikvan Ilirion antaŭanto de la moderna Albanio. En la jaro 2004 la albanoj organizis grandan dekhoran kulturan aranĝon apud la maŭzoleo.

Reĝo Gentio estis venigita al Iguvium (hodiaŭ Gubbio) kiel kaptito post la malvenko de Ilirio en la milito kontraŭ Romio (170–167 a.K.). Oni traktis lin digne. Li loĝis tie pliajn 20 jarojn. Reĝo Gentio malkovris la kurac-efikon de genciano. Tial tiu planto portas lian nomon (science Gentiana).

Bardhyl SELIMI

Tiu ĉi artikolo povas esti libere kopiita aŭ tradukita por nekomercaj celoj, se oni mencias la fonton: Artikolo de Bardhyl Selimi el MONATO (www.monato.be).

Lasta adapto de tiu ĉi paĝo: 2020-07-07