urn:nl-mpi-tools-elan-eaf:f5137a6c-7e51-4ff9-b6f1-b116804dcf7a
62
he e nchara ngakwa ddo a rena la kwa,rena ige zza ma la zzha.
tahga ddryi mahqi,ni kato nezzhyi ane yi-si de
sibu yakwa ne gale kwa,gale kwa ne rena kwa,rena ige ne zza mazzha.
gale kwa ne nchara kwa.
nchara kwa ne rena kwa,rena ige ne zza mazzha.
sibu ne ngakwa ne,gale nga kwa,te ncharar bbe jj ngakwa ne.
i ne yakwa,i la hga ne yakwa,ane ane nyogwa yakwa,
rena ige zza mazzha iva mabbo .
tebbe jj neshyi nebbu gga debbe ddo.
ahbu anyo she ddwa ha ne,ssihi nenqi ngu ha.
ama iva ne tegge taya ne nyi ngu gge,nwahbu iva ne drume sese nyi ngu gge,
sizhyi drema ne shyi drema,
sizhyi bbarga ne shyibbar ga jja.
ssihi bbe ne neshyi nebbu ha ne,
tehqi dde va magga ha ne godenzzhe
drema la tebbe jji shyidrema,ve la tebbe jji shyive.
shyi ne neshyi vaka kato de.
te shwiha ne,te ssihi o
qahbu qanyo ddege nehenzza ne magga dage nabar ne
ane la mali ssaha,tessyi iva ne ane la yali ssaha.
te nwahbu ddege ddwa,drema ngejila,ssa sizhyi gge to jji,te drema taga ddejiji ha ne,shyi drema ssaha.
te bryi la tebbe jji shyi bryi jja tejji ggagge debbe,
shyi ne neshyi jjy gehe zzho de
neshyi gga,neshyi nebbu tejji gga.
shyi i bbar ga kezu za,shyi i bbar ga gwa mapa.
gogo tiha da manzzho za,shwiha ne,assyi maya teryi,ersugga nya yankar debbe madda,assyi damwa la maya teryi
aryi va tejji tejji gga hu jja haha.
shyi i bbar ga kesu za,gwa la hyolo gwa mala,gwa la hyolo gwa mapa jja.
te ssi gga ngu ge ne a le tejji nyaha
ddagga ha ne dedenyo ne myabbo nala.
sigga ergga ngu ne,mbbiqo ddeddwa ne,
mbbi ddeddwa ne shyigga ngu,loge nabar ne shyi lhi ngu.
ggeqo sibu ne lala gge.
tebbe ddagga.
sigga ergga ne ddamagga se.
ssishu ssibar jji tamazzu se de ddo.
gedaha ni byi ngga ddechu tebbe ddakato a ddakato a.
byi ngga ddechu pese zzho,nzzhyi ngga ddechu ne zhyi nyi zzho.
zzhyi ngga chuda ne ssi manka,byi ngga chu da ssi nanka.
tebbe ddakato massa,ddamagga ggeshe.
ssi nka lolo ssi manka,
habi pace ssi nanka,gedaha a ddakato a asse.
hwashu hwama ssi manka,cada meli ssi manka,jjyu meli ssi nanka.
neshyi nebbu dage ssi nanka,yazze dage ssi maqi.
ssuhwa ssuma ssi maqi,habi pace ge ssi neqi.
cada meli ne hwashu hwama ne te ssuhwa ssuma ngeggoggo asse.
ddagga ngi shu gge she,asse kecyi ngedre.
ne shokecu gge la a shokecu gge shyi anehga ggagge
vujo nzzhyimi nzzo na ya gar,tahga ali dda,gogo li ddo li.
neryi ggahga nyibbo bbe nager.
ane ane nzzo i na li gar,vujo nzzhyimi nzzo na ya a gar ya.
vujo nzzhyimi nzzo na yo a gar,ddeho manzzho ddo nzzo ma la de ya.
ane ane nzzo i na li gar,minpu nchancha nzzo na ya a gar ya.
minpu nchancha nzzo na ya a gar,ddeho manzzho ddo nzzo ma la de ya.
ane ane nzzo i na li gar,naru nahda nzzo na ya a gar ya.
naru nahda nzzo na yo o gar,ddeho manzzho ddo nzzo ma la de ya.
ane ane nzzo na ya o gar,lizzho garbu nzzo na ya a gar ya.
lizzho garbu nzzo na yo o gar,ddeho manzzho ddo nzzo ma la de ya.
ane ane nzzo na ya gar,ledru lengger ddo nzzo na ya a gar ya.
gga tezzu magge de,neryinbba ngi shu she,ane ane ne bbezyime zhanga ngi shu.
dezzhyi si ddagga lide,tebbe nzzo nagar,atebbe nzzo made tejji.
a deryinbba ddagga,ne deryinbba ddagga asse